spjallid.is

Sælir spjallverjar.
Mig langaði að forvitnast hvort einhver hér sé fróður um neytendalög er snúa að viðgerðum á raftækjum, nánar tiltekið á símum.
Ég keypti mér síma í lok mars, notaði hann í 3 vikur og svo bilaði hann. Ég fer með hann til söluaðila sem segist þurfa að senda hann erlendis til viðgerða (ekki viðurkennt verkstæði fyrir þennan síma hér á landi). Ég læt þá hafa símann og þeir segja að almennt tímaviðmið hjá þeim sé 15 virkir dagar. Núna eru liðnar rúmlega 5 vikur í heildina (28 virkir dagar) síðan þeir fengu símann og þeir geta lítið sagt til um stöðuna. Ég bið þá um að fá að skila símanum því að þolinmæðin er búin hjá mér og þeir neita.
Er einhver sem er fróður um hvað ég get gert í þessum aðstæðum, því að ég vill helst bara skila símanum og aldrei versla við þetta fyrirtæki aftur.

Með fyrirfram þökk.

Hvaða fyrirtæki er þetta ef ég mætti spyrja?

Ég myndi telja eðlilegast að þú fáir bara nýjan síma og þeir selji gamla símann þinn sem B-vöru þegar hann loks kemur til baka úr viðgerð.

Fékkstu sambærilegan síma að láni meðan þinn er í viðgerð?

Eftir að þú setur þeim sanngjarnan frest , eftir það getur þú heimtað að fá vöruna endurgreidda.

Lög um neytendakaup 48/2003

30.gr
Ef úrbætur eða ný afhending seljanda hafa það í för með sér að neytandi getur ekki notað söluhlut í meira en eina viku getur neytandi krafist þess að fá sambærilegan hlut til umráða á kostnað seljanda. Þetta á þó aðeins við ef krafan telst sanngjörn með hliðsjón af þörfum neytandans og þeim kostnaði og óhagræði sem það hefur í för með sér fyrir seljanda.

32. gr. Riftun.
Í stað afsláttar skv. 31. gr. getur neytandi rift kaupum nema galli sé óverulegur.


+edit+
Síðan svona smá bónus.
Ég er nokkuð viss um að þegar maður fær nýja vöru í staðinn fyrir þann gallaða, þá er um að ræða nýja afhendingu söluaðila. Sem ég minnir að þýði 2ár ábyrgðin endurnýjast.

VI. kafli. Úrræði neytanda vegna galla á söluhlut.
26. gr. Úrræði neytanda vegna galla.
Ef söluhlutur reynist gallaður og gallinn er hvorki sök neytanda né stafar af aðstæðum sem hann varða getur neytandi:
a. haldið eftir greiðslu kaupverðs samkvæmt ákvæðum 28. gr.;
b. valið milli úrbóta eða nýrrar afhendingar samkvæmt ákvæðum 29. og 30. gr.;

Emobi. Og nei, þeir buðu mér ekki síma til láns. Veit ekki alveg hvað ég á að gefa þeim langan frest áður en ég fer að krefja þá um endurgreiðslu, veit einhver hvort það sé gefinn einhver ákveðin tími?

RassiPrump skrifaði:Emobi. Og nei, þeir buðu mér ekki síma til láns. Veit ekki alveg hvað ég á að gefa þeim langan frest áður en ég fer að krefja þá um endurgreiðslu, veit einhver hvort það sé gefinn einhver ákveðin tími?

Ef seljandinn fer ekkert eftir lögunum...
30. gr. Framkvæmd úrbóta og nýrrar afhendingar.
Úrbætur og ný afhending skulu fara fram án kostnaðar og verulegs óhagræðis fyrir neytanda, innan hæfilegs tíma og þannig að neytandinn fái bætt útgjöld sín úr hendi seljanda.

https://kvth.is/#/

Mæla með heyra í ns.is

Fyrirtæki elska...algjörlega elska að fá svona fyrirspurnir.
https://cdn.islandsbanki.is/image/uploa ... aerslu.pdf

Minuz1 skrifaði:Fyrirtæki elska...algjörlega elska að fá svona fyrirspurnir.
https://cdn.islandsbanki.is/image/uploa ... aerslu.pdf

Ég hló!

Uppfærsla ef einhver var forvitinn. Senti meil á þá 28. maí síðastliðinn og krafðist endurgreiðslu. Enn sem komið er hafa þeir hunsað meilið. Er að vinna í að tala við Neytendasamtökin.

Neytendasamtökin hafa ekkert um þetta að segja

https://kvth.is/

https://www.neytendastofa.is/um-okkur/k ... g-thjonus/

Smá forvitni.
Var þetta dýr sími og þá hvaða tegund.

Svo ég skilji þetta rétt, kaupir í lok mars og notar í þrjár vikur en ert búinn að vera símalaus í 6 vikur.

Þetta er ekki góð auglýsing fyrir verslunina.