Re: Sjónvarp fyrir ca 200k
Sent: Sun 31. Des 2023 17:15
Hvar er hæsta álagningin ? Eru það móbóz og aflgjafar ?
jonsig skrifaði:Hvar er hæsta álagningin ? Eru það móbóz og aflgjafar ?
Mín þekking er auðvitað 10+ ára gömul, en já, hlutfallslega var mikil álagning á ódýrari móðurborðin, minni á high-end.
Vinnsluminni var öfugt, lág álagning á ódýru main stream minnin, en góð álagning á flottari minnin.
Aflgjafar voru allir yfirleitt með góðri álagningu, og þar var einhvernvegin keppst um að hafa týpur sem enginn annar var með, svo það væri ekki beinn verðsamanburður... Sýnist það vera lenskan enn.
Kassar voru einhvernvegin svipaðir. Allir með mismunandi kassa.
Svo þessir allir "ekki nauðsynlegu" hlutir, viftur og geisladrif (sælla minninga), voru með góðri álagningu.
Öll auka kort líka, þráðlaus netkort, stýrispjöld o.s.frv.
Jaðarbúnaður var ekkert sérstakt, við hálfpartinn komum Razer á kortið á Íslandi, en bökkuðum svo út úr því þegar bilanatíðnin kom í ljós. Prófuðum ýmislegt, Steelseries, eitthvað Corsair og fleira, en enduðum svo alltaf aftur á Logitech, sem samt bilaði talsvert.
Skjáir voru þægilegir, á meðan það var boðlegt að hafa bara nokkrar týpur af þeim. Svo kom 120Hz+ ásamt 3D nVidia 3D gleraugum, G-sync og allt það fjör, og þá varð allt miklu flóknara. Það var svo kósí þegar það keyptu bara allir Samsung SyncMaster 226BW, nema sumir voru klárir og eltust við að fá "réttan" panel, sem framleiddur var af Samsung en ekki einhverjum öðrum.
En álagningin á þessu var svipað og á öðru, skjáir biluðu svo sem ekki mikið og þægilegt að skipta þeim út, en mýs og lyklaborð bilaði mikið og var erfiðara að losa út ef það kom viðgert að utan heldur en aðra hluti.
Fartölvur voru bæði gott og slæmt gigg. Svipuð álagning og á borðtölvur, en auðvitað mikið minna umstang við hverja sölu því þær komu tilbúnar. En meira vesen ef þær biluðu útaf sömu ástæðu, þurfti að senda annað í ábyrgðarviðgerðir og treysta þá á önnur verkstæði þar sem við vorum ekkert í sérstökum forgangi.
Oft þurfti að hafa lánstölvur, því fólk er gjörsamlega handalaust ef það hefur ekki tölvuna sína. Auðvitað biluðu þær alltaf í prófatörn o.s.frv.
Já, ég held bara áfram að romsa frá gömlu góðu dögunum.
