lHvernig er best að laga naglagat í dekki?

[GuðjónR]

Styttist í sumardekkin en það er lítill nagli í einu dekkinu hjá mér.
Þrýstingurinn lækkaði hægt og rólega, úr 42 psi niður í 40 psi vikulega, mjög lítill leki, en samt þarf að laga þetta.

Dekkið er ekki á felgu sem ætti að gera viðgerðina einfaldari.

Spurning: Vitið þið hvernig dekkjaverkstæði laga svona? Nota þau frekar svepp (sem fer að innanverðu og er límdur í gegn) eða bara slímugan tappa eins og í þessum viðgerðarsettum sem hægt er að kaupa sjálfur?

Mynd af viðgerð með sveppabót:

sveppur.png (1.18 MiB) Skoðað 5452 sinnum

Mynd af viðgerð með slímugum tappa:

slímugur tappi.png (1.78 MiB) Skoðað 5452 sinnum

Hef líka séð að sumir nota bæði: fyrst tappa og svo smá bót að innan til að einangra betur (svona slöngubót).

bót að innan.png (1.37 MiB) Skoðað 5452 sinnum

Og tvær myndir af dekkinu mínu.

IMG_3433.jpeg (666.53 KiB) Skoðað 5452 sinnum

IMG_3432.jpeg (380.29 KiB) Skoðað 5452 sinnum

Video sem sýnir allskonar aðferðir.


Hvað mynduð þið gera í svona tilfelli?
Er einhver kostur sem endist betur eða er öruggari?

Fyrirfram þakkir fyrir öll svör!

[Bassi6]

Ég myndi nota "Slímtappa"

[Diddmaster]

Þau dekkjaverkstæði sem hafa gert við hjá mér nota svepp að innanverðu

[olihar]

Farðu með þetta á verkstæði, þetta er öryggis atriði í bílnum hjá þér, dekkjaverkstæðin nota yfirleitt svepp í svona dekk held ég.

[TheAdder]

Þessir "slímtappar" eru ætlaðir til bráðabirgða út á mörkinni, þar til hægt er að koma almennilegri viðgerð við, sem er sveppurinn.

[KaldiBoi]

Ef þú ferð með dekkið felgulaust þá kostar þetta slikk.
Getur sömuleiðis fengið þá til að gera þetta í leiðinni þegar þú umfelgar.

[einarhr]

Alltaf svepp nema í neyðartilvikum. Framleiðendur samþykja ekki stunguviðgerðir en það er í lagi ef maður þarf að redda sér tímabundið og best að láta laga það seinna með sveppi. Það eru meiri líkur á að viðgert dekk vírslitni ef það er ekki notaður sveppur, vann fyrir Goodyear í mörg ár.

[GuðjónR]

Takk fyrir frábær svör!

Ég held ég sleppi því að nota slímtappa, þó það gæti virkað. Málið er að þetta er lítið gat eftir lítinn nagla, eða um 2 mm í þvermál.

Hafði samband við dekkjaverkstæðið sem mun umfelga fyrir mig og spurði hvort þeir gætu lagað þetta með svepp, en fékk þau svör að þeir noti einungis vulkaniserandi cement.

Mér skilst að þá sé bót límd innan á dekkið, sem virkar vel fyrir lítil göt. Ekki eins gott og sveppur, en betra en slímtappi og ætti að endast út líftíma dekksins.

Hver er ykkar skoðun á þessari aðferð?

[olihar]

Takk fyrir frábær svör!

Ég held ég sleppi því að nota slímtappa, þó það gæti virkað. Málið er að þetta er lítið gat eftir lítinn nagla, eða um 2 mm í þvermál.

Hafði samband við dekkjaverkstæðið sem mun umfelga fyrir mig og spurði hvort þeir gætu lagað þetta með svepp, en fékk þau svör að þeir noti einungis vulkaniserandi cement.

Mér skilst að þá sé bót límd innan á dekkið, sem virkar vel fyrir lítil göt. Ekki eins gott og sveppur, en betra en slímtappi og ætti að endast út líftíma dekksins.

Hver er ykkar skoðun á þessari aðferð?

Þetta er í raun það sama og sveppur.

[GuðjónR]

Takk fyrir frábær svör!

Ég held ég sleppi því að nota slímtappa, þó það gæti virkað. Málið er að þetta er lítið gat eftir lítinn nagla, eða um 2 mm í þvermál.

Hafði samband við dekkjaverkstæðið sem mun umfelga fyrir mig og spurði hvort þeir gætu lagað þetta með svepp, en fékk þau svör að þeir noti einungis vulkaniserandi cement.

Mér skilst að þá sé bót límd innan á dekkið, sem virkar vel fyrir lítil göt. Ekki eins gott og sveppur, en betra en slímtappi og ætti að endast út líftíma dekksins.

Hver er ykkar skoðun á þessari aðferð?

Þetta er í raun það sama og sveppur.

Sveppur fyllir gatið og límist að innan, en með vulcanizing cement er aðeins límd bót að innan, þannig að gatið er enn opið, sveppur innsiglar bæði og ætti því að vera öruggari, þó þessi aðferð dugi líklega vel í svona tilfelli...eða hvað?

[rostungurinn77]

Ef bótin þéttir gatið að innan jafn vel og sveppur þá græðirðu væntanlega ekkert á því að það sé einhver stilkur í gegnum gúmmíið.

En ég veit ekki neitt um þetta.

[GuðjónR]

Ef bótin þéttir gatið að innan jafn vel og sveppur þá græðirðu væntanlega ekkert á því að það sé einhver stilkur í gegnum gúmmíið.

En ég veit ekki neitt um þetta.

Mögulega, sérstaklega þar sem það þarf að bora og víkka þetta litla gat til að koma stilknum fyrir. Ætli það sé ekki möguleiki á því að vírslíta dekkið með svoleiðis aðgerð? Þ.e. bora í gegnum víra. Sé svo þá er bót að innan líklega vænlegri kostur.

[Manager1]

Þú ert að pæla allt of mikið í þessu, það eru allar líkur á að tappi, sveppur og bót sé allt nógu gott til að endast út líftíma dekksins, hvaða aðferð er notuð skiptir ekki öllu máli.

[kjartanbj]

Líklega skiptir ekki miklu máli hvað er gert. dekkið á ekki það mikið munstur eftir að það muni skipta miklu

[GuðjónR]

Þú ert að pæla allt of mikið í þessu, það eru allar líkur á að tappi, sveppur og bót sé allt nógu gott til að endast út líftíma dekksins, hvaða aðferð er notuð skiptir ekki öllu máli.

True ... hef tilhneigingu til þess að ofhugsa aðeins. En þetta er komið á hreint, verkstæðið sem umfelgar lagar þetta í leiðinni. Græjar bót innan á, 2-3k og málið dautt.