spjallid.is

rapport skrifaði:Fiat multipla... bróðir minn sagði að hann og tveir vinir hans hefðu næstum þvi keypt svona bara til að geta setið allir þrír frammí á rúntinum...

appel skrifaði:Kíki á Subaru bílana. Afi minn var mikill subaru maður þannig að maður kíkir á þetta

orn skrifaði:

appel skrifaði:En það sem ég tek eftir þegar ég sest upp í þessa nýju bíla er að útsýnið úr þeim er alveg herfilegt, á alla vegu. Í raun voru allir bílarnir svona, með langtum verra útsýni heldur en í 1999 toyotunni minni. Þetta er einsog að vera í skriðdreka. Og innanrýmið í þessum nýju bílum virðist vera þrengra einhvernveginn.

Held að það sé alveg rétt hjá þér að þetta er almennt orðið verra en það var. Ég held að það sé vegna þess að A-stólpinn er orðinn talsvert sverari til þess að veita aukinn styrk í veltu. Eða það er mín tilgáta.

Þetta er samt mjög mismunandi á milli bílategunda.

Af þeim bílum sem ég hef prófað undanfarin ár fannst mér Polestar áberandi hræðilegur (og Volvo ekki neitt frábærir).
Kia Soul eru með fína vegsýn. Tesla Model 3 með frábæra (Model X sömuleiðis - eiginlega bara ótrúlega, en með fáránlegar hurðar og verð). Tesla Model Y er með mjög gott útsýni úr innanrými fram á við og til hliða, en hræðilegt út um afturrúðu. Að vísu hægt að vera með myndavélina kveikta öllum stunum en hún verður drullug.
Audi Q4/VW ID[34]/Skoda Enyaq eru allir með mjög gott útsýni. Q4 fær plús fyrir að vera með rúðupiss á bakkmyndavél líka. Mínus fyrir að leyfa manni ekki að hafa kveikt á henni umfram ákveðinn hraða (eins og flestir bílar).

Um að gera að skoða bara fleiri bíla. Ekki allir sem sökka í þessum efnum þó það séu margir.

GullMoli skrifaði:

gunni91 skrifaði:Hljómar eins og ykkur vanti nýjan Subaru, risa rúður allann hringinn.

Þetta! Pabbi gerir reglulega athugasemd um hvað það sjáist vel útum fiskabúrið sem Subaru Forester er.. en samt góður í árekstraprófum

orn skrifaði:

appel skrifaði:Kíki á Subaru bílana. Afi minn var mikill subaru maður þannig að maður kíkir á þetta

Já ég hef heyrt minnst á að þeir séu frábærir. Verst hvað þeir eru miklir bensínhákar. Ég átti Subaru Legacy 2007 og hann eyddi svona 12 l/100.

Tesli skrifaði:...

appel skrifaði:Er búinn að vera skoða nýja bíla undanfarið, þar sem 1999 toyotan mín er líklega komin á síðasta snúning og tími til að endurnýja.

En það sem ég tek eftir þegar ég sest upp í þessa nýju bíla er að útsýnið úr þeim er alveg herfilegt, á alla vegu. Í raun voru allir bílarnir svona, með langtum verra útsýni heldur en í 1999 toyotunni minni. Þetta er einsog að vera í skriðdreka. Og innanrýmið í þessum nýju bílum virðist vera þrengra einhvernveginn.

Framrúðan orðin lengri og mælaborðið dýpra, en hæðin á gluggarýminu samt minni. Flestir bílar komnir með svona skjá fyrir miðju sem stendur upp úr mælaborðinu og byrgir fyrir sýn ásamt baksýnisspeglinum sem sýnir ekki mikið hvortsem er því bakglugginn er orðinn svo lítill.
Svo er það sem ég tek mest eftir er að hliðarrúðurnar eru orðnar svona helmingur af því sem var c.a. 2000's. Getur ekki lengur rúllað niður og sett olnbogann út, þú þyrftir að lyfta honum upp fyrir öxlina.

Er þetta bara ég?

Get seint keyrt bíl sem sýnir svona lítið af umhverfinu kringum mann.