Síða 1 af 1

Nám á gamalsaldri

Sent: Lau 20. Maí 2023 13:19
af falcon1
Eins og þið vitið er ég nýbúinn að missa vinnuna þannig að nú er maður á algjörum krossgötum hvað maður ætlar að gera í lífinu. Vinnan mín var mjög sérhæfð og menntunin þar af mjög sérhæfð líka á tónlistarsviðinu. Sú stétt sem ég tilheyri er því miður að deyja út sýnist manni þannig að maður er svartsýnn á að fá annað svipað starf.

Því miður þá fór ég ekki í framhaldsskóla þegar ég var unglingur og þar af leiðandi að þá er ég ekki með stúdentspróf og aðeins fáar einingar sem ég hef tekið uppí það.
Ef ég ætla að mennta mig á öðru sviði þá hindrar þessi skortur á stúdentsprófi ansi margar leiðir. :(
Ég get farið í NTV/Promennt til að sækja mér einhverja menntun en það er kannski ekki eins mikið virt í atvinnulífinu og menntun úr "hefðbundnum" skólum?
Mér sýnist að það sé eitthvað til sem heitir Menntastoðir og á að tækla svona stöður eins og er uppi hjá mér (reyndar veit ekki ennþá hvort það megi vera í því ef maður er á atvinnuleysisbótum). Hefur einhver reynslu af því, eða þekkið þið einhvern sem hefur farið í gegnum slíkt? Getið sent mér einkaskilaboð ef þið viljið ekki hafa svarið opinbert.

Ég get auðvitað gert eitthvað með tónlistina áfram en mér finnst að ég verði nauðsynlega að hafa líka einhverja aðra menntun sem ég get unnið við ef tónlistin er komin á endastöð eða lítið að gera í henni. Þarf að hafa eitthvað sem skilar mér tryggum tekjum og helst ekki minna en 400 þúsund krónum eftir skatt.

Kannski þyrfti maður að leita til starfs- og/eða námsráðgjafa? Einhver sem þið mynduð mæla með?

Re: Nám á gamalsaldri

Sent: Lau 20. Maí 2023 13:23
af Moldvarpan
Ég byrjaði á tölvunámi, en áttaði mig svo á því að ég hafði ekki áhuga á að vinna alla daga bakvið tölvuskjá.
Er samt mjög ánægður með að hafa þessa þekkingu.

Ég hef verið að vinna meira og minna við akstur síðasta áratuginn, og mér líkar það vel.
Finnst gaman að vera á ferðinni og hitta fólk.

Re: Nám á gamalsaldri

Sent: Lau 20. Maí 2023 15:36
af Baldurmar
Ég er 85' módel og fór í Háskólann í Reykjavík 2013, byrjaði í frumgreinanáminu í HR og fór svo í Hugbúnaðarverkfræði, get alveg heilshugar mælt með frumgreinanáminu og bara HR yfir höfuð. Myndi líklega fara í Tölvunarfræði frekar en Hugbúnaðarverkfræði en það er ekki stór munur þar á..
Mátt spyrja hérna eða senda mér einkapóst ef að þú vilta eitthvað meira

Re: Nám á gamalsaldri

Sent: Lau 20. Maí 2023 15:46
af sundhundur
Nema mér sé að yfirsjást þá nefnirðu ekki iðnnám.

Re: Nám á gamalsaldri

Sent: Lau 20. Maí 2023 16:08
af vixby
Stóð í sömu aðstæðum 2020 þegar covid skall á og tók ákvörðun að fara í frumgreinadeildina í HR og er að útskrifast úr tölvunarfræði eftir ár. Get mikið mælt með því að heyra í þeim og athuga hvort þú getir komist inn ef þú hefur áhuga á því að komast í nám. Ég var ekki búinn með mjög mikið úr menntaskóla en fékk samt inngöngu.

Re: Nám á gamalsaldri

Sent: Lau 20. Maí 2023 17:24
af rapport
Er sjálfur í skóla eftir 15 ára hlé.

Er ekki með stúdent en komst inn í THÍ á sínum tíma á þrefi.

En þekki líka einn sem fór í svona: https://www.mimir.is/is/radgjof/raunfaernimat

Frumgreinadeildin í HR var með einhver leiðindi að meta þetta en hann flaug inn í tölvunarfræði beint og brilleraði þar.

Re: Nám á gamalsaldri

Sent: Lau 20. Maí 2023 17:58
af Semboy
https://missing.csail.mit.edu/ þetta er æðislegt, ef þú nennir

Re: Nám á gamalsaldri

Sent: Lau 20. Maí 2023 18:42
af falcon1
Moldvarpan skrifaði:Ég byrjaði á tölvunámi, en áttaði mig svo á því að ég hafði ekki áhuga á að vinna alla daga bakvið tölvuskjá.
Er samt mjög ánægður með að hafa þessa þekkingu.

Ég hef verið að vinna meira og minna við akstur síðasta áratuginn, og mér líkar það vel.
Finnst gaman að vera á ferðinni og hitta fólk.

Ertu þá að leigubílast? :)

Re: Nám á gamalsaldri

Sent: Lau 20. Maí 2023 18:44
af falcon1
Baldurmar skrifaði:Ég er 85' módel og fór í Háskólann í Reykjavík 2013, byrjaði í frumgreinanáminu í HR og fór svo í Hugbúnaðarverkfræði, get alveg heilshugar mælt með frumgreinanáminu og bara HR yfir höfuð. Myndi líklega fara í Tölvunarfræði frekar en Hugbúnaðarverkfræði en það er ekki stór munur þar á..
Mátt spyrja hérna eða senda mér einkapóst ef að þú vilta eitthvað meira

Er ekki svaka mikil stærðfræði í þessu námi? Ég man að ég átti í dáldnum erfiðleikum með algebruna í gamla daga, kannski er samt auðveldara fyrir mig að skilja hana í dag - hver veit. :D

Re: Nám á gamalsaldri

Sent: Lau 20. Maí 2023 18:46
af falcon1
sundhundur skrifaði:Nema mér sé að yfirsjást þá nefnirðu ekki iðnnám.

Rétt - ég hef samt ekkert á móti iðnnámi. Það væri helst að fara í ljósmyndun en mér sýnist/finnst að sú iðngrein sé svona deyjandi svið líka eins og ég er að koma úr. Hef ekki verið mjög handlaginn hingað til, góður að teikna samt. :)

Re: Nám á gamalsaldri

Sent: Lau 20. Maí 2023 19:30
af Moldvarpan
falcon1 skrifaði:
Moldvarpan skrifaði:Ég byrjaði á tölvunámi, en áttaði mig svo á því að ég hafði ekki áhuga á að vinna alla daga bakvið tölvuskjá.
Er samt mjög ánægður með að hafa þessa þekkingu.

Ég hef verið að vinna meira og minna við akstur síðasta áratuginn, og mér líkar það vel.
Finnst gaman að vera á ferðinni og hitta fólk.

Ertu þá að leigubílast? :)


Nei ég hef ekki þolinmæðina í það hehehe.
Byrjaði á vörubíl, svo fór ég á trailer. Núna er það lítil 20 manna starfsmannarúta, mjög þægilegt starf.

Re: Nám á gamalsaldri

Sent: Lau 20. Maí 2023 23:15
af Baldurmar
falcon1 skrifaði:
Baldurmar skrifaði:Ég er 85' módel og fór í Háskólann í Reykjavík 2013, byrjaði í frumgreinanáminu í HR og fór svo í Hugbúnaðarverkfræði, get alveg heilshugar mælt með frumgreinanáminu og bara HR yfir höfuð. Myndi líklega fara í Tölvunarfræði frekar en Hugbúnaðarverkfræði en það er ekki stór munur þar á..
Mátt spyrja hérna eða senda mér einkapóst ef að þú vilta eitthvað meira

Er ekki svaka mikil stærðfræði í þessu námi? Ég man að ég átti í dáldnum erfiðleikum með algebruna í gamla daga, kannski er samt auðveldara fyrir mig að skilja hana í dag - hver veit. :D

Stærðfræði er mjög erfið þegar maður hefur engann áhuga á því að læra :D
Það er talsvert annað að vera í námi fyrir sjálfan sig en þegar maður var 17 ára og "þurfti" að vera í skóla.

Re: Nám á gamalsaldri

Sent: Sun 21. Maí 2023 12:09
af Semboy
Baldurmar skrifaði:
falcon1 skrifaði:
Baldurmar skrifaði:Ég er 85' módel og fór í Háskólann í Reykjavík 2013, byrjaði í frumgreinanáminu í HR og fór svo í Hugbúnaðarverkfræði, get alveg heilshugar mælt með frumgreinanáminu og bara HR yfir höfuð. Myndi líklega fara í Tölvunarfræði frekar en Hugbúnaðarverkfræði en það er ekki stór munur þar á..
Mátt spyrja hérna eða senda mér einkapóst ef að þú vilta eitthvað meira

Er ekki svaka mikil stærðfræði í þessu námi? Ég man að ég átti í dáldnum erfiðleikum með algebruna í gamla daga, kannski er samt auðveldara fyrir mig að skilja hana í dag - hver veit. :D

Stærðfræði er mjög erfið þegar maður hefur engann áhuga á því að læra :D
Það er talsvert annað að vera í námi fyrir sjálfan sig en þegar maður var 17 ára og "þurfti" að vera í skóla.


Calculus 3 er bara viðbjóður

Re: Nám á gamalsaldri

Sent: Sun 21. Maí 2023 12:21
af orn
falcon1 skrifaði:Er ekki svaka mikil stærðfræði í þessu námi? Ég man að ég átti í dáldnum erfiðleikum með algebruna í gamla daga, kannski er samt auðveldara fyrir mig að skilja hana í dag - hver veit. :D

Jú og nei. Ekki eins mikið og í *verkfræði.

FWIW átti ég erfitt með stærðfræðina þegar ég var í menntaskóla og fór svo í tölvunarfræði þegar ég var 29 ára. Ég þurfti að hafa slatta fyrir stærðfræðinni, en það var mun auðveldara eftir að ég var orðinn eldri og var í náminu á mínum eigin forsendum. Khan Academy var algjör snilld og reddaði mér mikið.

Ef þú telur þig hafa áhuga á tölvunarfræði myndi ég hiklaust mæla með að prófa. Persónulega myndi ég velja HÍ þ.s. það kostar mjög lítið í samanburði og ég hef ekki enn séð neina kosti við HR námið umfram HÍ eftir að hafa aðstoðað nokkra í því námi.

Re: Nám á gamalsaldri

Sent: Sun 21. Maí 2023 14:06
af falcon1
Baldurmar skrifaði:Stærðfræði er mjög erfið þegar maður hefur engann áhuga á því að læra :D
Það er talsvert annað að vera í námi fyrir sjálfan sig en þegar maður var 17 ára og "þurfti" að vera í skóla.

Það er rétt. Bara verst að skólagangan mín bjó til hræðslu við stærðfræði. Mér gekk frábærlega í stærðfræði þangað til algebran kom þá hrundu einkanirnar hjá mér, eftir það hef ég eiginlega ekki litið stærðfræði réttum augum.
En eflaust er kannski bara kominn tími á að face'a óttann við stærðfræði :D

Re: Nám á gamalsaldri

Sent: Sun 21. Maí 2023 14:22
af Gustaf
Ég mæli sterklega með því að nota khan academy til þess að æfa sig. Það sem mér fannst gott að gera í greiningu I-IV var að skoða raunverulega notkun á efninu sem fjallað var um til að tengja efnið við raunheiminn.

Re: Nám á gamalsaldri

Sent: Mán 22. Maí 2023 08:38
af Le Drum
Án þess að ég viti það 100% þá held ég að þú megir taka framhaldsskólanám á bótum. Lánshæft nám er ekki í boði að taka á atvinnuleysisbótum.

Re: Nám á gamalsaldri

Sent: Þri 23. Maí 2023 16:52
af Semboy
https://store.steampowered.com/app/1444 ... _Complete/
það er leikur byggður í kringum samþættan hringrás.
þannig að leikurinn fær þig til að taka grunnhlutana (í rauninni bara NAND hlið) og byggja upp tölvu sem virkar, í skrefum auðvitað.


edit:

http://www.nandgame.com er lika eins.
Ég er núna fastur við að smíða flip-flop