STEF að ná nýjum botni?

[GuðjónR]

Ég rakst á þessa frétt í DV sem segir að STEF vilji að grunn og framhaldsskólar borgi stefgjöld af uppákomum þar sem söngleikir eru settir upp.
Nú á ég bæði börn í grunnskóla og leikskóla og annað slagið eru börnin með árshátíðir eða uppákomur þar sem foreldrum er boðið að koma og horfa á. Þetta er í flestum tilfellum gjaldfrjálst nema einhver bekkurinn sé að safna sér fyrir útskriftarferð þá er kannski rukkað smá klink per haus.

Og svo segir í fréttinni

„Erlendur aðili hafði nýlega samband við okkur vegna þess að hann hafði séð að það var verið að setja upp söngleik hér á landi án leyfis.

Það er MJÖG LÍKLEGT að útlendingar séu að fylgjast með viðburðum íslenskum leik/grunnskólum....eða þannig.
http://www.dv.is/frettir/2015/4/17/telu ... kki-betur/

[Pandemic]

Framhaldsskólar borga stefgjöld af söngleikjum. Það var allavegana gert þegar ég var í Verzló.

[nidur]

Já eru ekki skólar að borga stefgjöld svipað og húsfélög með sameiginlegt sjónvarpskerfi.

Þeir vilja bara láta sækja um leyfi, veit ekki.

[vesley]

Virðist vera talað um að þetta sé söngleikur sem var settur upp hjá framhaldsskóla og eru seldir miðar gegn gjaldi á þær sýningar og aflað tekna, og sé ég ekki vandamál að tekið sé einhvað gjald fyrir það að nota uppsetningu ákveðins söngleiks eins og yfirleitt er gert.

Ætli grunnskólar séu svo ekki að borga fasta reikninga til Stef fyrir notkun tónlistar og tilheyrandi ? Örugglega ekki algengt að það séu settir upp flóknir og langir söngleikir í grunnskólum landsins.

[wicket]

Hér er væntanlega verið að tala um þegar að skólar og nemendafélög eru að setja upp stærri söngleiki eins og Nemendamótssýning Verzló og árshátíðarsýningar menntaskóla.

Oft er um að ræða frumsamdar sýningar af innlendum aðilum en oft er verið að setja upp Grease, Jesus Christ Superstar, Rocky Horror Picture Show, Tommy, Cats og álíka dót.

Að setja upp slíka sýningu er auðvitað leyfisskylt og greiða þarf fyrir að setja slíka sýning upp. Skiptir þá engu hvort um er að ræða áhugamannaleikhús, Borgarleikhúsið eða nemendafélag.

Sé ekkert að þessu, algjörlega eðlilegt.

[kunglao]

alltaf vill ríkið taka pening af okkur. SKAMM

[Viktor]

Reglur eru reglur. Ef menn eru ósammála þeim þá á að breyta reglunum, þarna er ekki við STEF að sakast held ég.

[jólnir]

Það er nú bara sjálfsagt mál að þeir sem á einhvern hátt hafa tekjur af verkum annara greiði upphaflegum höfundum eitthvert gjald.

[Nördaklessa]

Held að það sé bara eitt lægra en þetta og það er að vera rukkaður fyrir að blístra uppáhalds lag

[hagur]

alltaf vill ríkið taka pening af okkur. SKAMM

STEF != Ríkið

[kunglao]

jamm

[chaplin]

Mér finnst það eðlilegt að þeir sem eiga réttindin á leiklist fái greitt fyrir það ef verk þeirra eru notuð (þótt það væri líklegast hægt að gera undantekningar) en ég vill þá líka að peningurinn skili sér til réttra aðila.

Það sem mér finnst afleitt er að borga stef gjöld á geisladiskum því ég gæti ætlað skrifa lög/þætti/kvikmyndir á diskinn.

Finnst þetta eins og Spölur myndu rukka þá sem eiga bíla fyrir notkun á Hvalfjarðargöngunum því þeir gætu keyrt í gögnum göngin.